Norges idrettshøgskole

Som vitskapleg høgskule har NIH stabile kjerneoppgåver: studiar, forsking og formidling. Fagprofilen er utprega tverr- og fleirfagleg og idrettsforståinga er brei. På NIH studerer vi organisert idrett, kroppsøving, dans, friluftsliv, mosjon og trening i alle former. Vi hentar perspektiv frå naturvitskap, samfunnsvitskap, humaniora og medisin. Studieporteføljen er omfattande med fem bachelorløp, fire årsstudiar og fire masterprogram.

Forskinga støttar NIH sine studieprogram som skal dekke samfunnet sine behov for kompetanse innan feltet. Studieprogramma utdannar til arbeid innan idrett, skuleverk, helsevesen, offentleg forvalting, privat og frivillig sektor, forsvar og høgare utdanning og forsking. NIH har vidare ansvar for formidling av relevant kunnskap til samfunnet.

Norges idrettshøgskole sin visjon i Strategisk plan for 2011- 2015 er å vere ein internasjonal leiande institusjon når det gjeld utdanning og forsking innan idrett og fysisk aktivitet.

I perioden 2011-2015 skal NIH satse på forsking innan følgjande tema:
■       Trening og prestasjonsutvikling i breidde- og toppidrett
■       Samanhengar mellom fysisk aktivitet, helse og livskvalitet i folkesetnaden med eit særleg fokus på lavaktivitet og inaktivitet
■       Innhald i og verknad av kroppsøving og fysisk aktivitet i skulekvardagen

Høgskolen har fem fagseksjonar og to forskingssenter. Senter for idrettsskadeforskning og Forskningssenter for trening og prestasjon er integrerte delar av verksemda. Båe sentra er støtta av Kulturdepartementet og einar behovet for kunnskap frå samfunn og idrett med høg vitskapleg kvalitet. Senter for idrettsskadeforsking er godt etablert og har blitt verdsleiande innan sitt fagområde. Forskningssenter for trening og prestasjon vart etablert i 2009 og syner god utvikling.

Alle NIH sine bygg og idrettsanlegg er lokaliserte ved Sognsvann med Nordmarka som næraste nabo. Lokaliseringa skapar svært gode rammer for idrettsstudiar.